Волейболдан Қазақстан Ұлттық лигасының бірінші туры аяқталды

Таразда волейболдан ерлер командасы арасында Қазақстан чемпионатының алғашқы айналым ойындары аяқталды, деп хабарлайды Olympic.kz.

Ұлттық лига командалары арасындағы жарыста Алматының «Буревестник» клубы көш бастап келеді. Алматылықтар жеті ойынның алтауында жеңіп, 17 ұпай жинаған.

Екінші және үшінші орынды «Маңғыстау» және «Атырау» командалары өзара бөлісіп тұр.

Аталған клубтар 4 ойында жеңіске жетіп, 13 ұпайдан жинаған. Алайда, ақтаулықтар партия мен доп айырмашылығындағы артықшылықтары үшін жоғары тұр.