ЦСКА «Рубиннен» ұтылды. Зайнутдинов негізгі құрамда шықты

Футболдан Ресей чемпионатының 16-турында «Рубин» ЦСКА-ны ұтты, деп хабарлайды Prosports.kz.

Мәскеулік клуб сапында ойнайтын қазақстандық футболшы Бактиер Зайнутдинов алаңға негізгі құрамда шығып, матч аяғына дейін ойнады.

Қазандық клубқа жеңіс сыйлаған жалғыз голды «Қайрат» пен «Астананың» бұрынғы шабуылшысы Джордже Деспотович соқты.

16 турдан кейін 32 ұпай жинаған ЦСКА «Зенитпен» бірінші орынды бөлісіп тұр.