«Қызыл-Жар» ивуарлық ойыншымен қоштасты

«Қызыл-Жар СК» ФК баспасөз қызметі ВК-дағы парақшасында Муса Коне командадан кететіндігін мәлімдеді, деп хабарлайды Prosports.kz.

«Рахмет, Мусса!

Мусса Коне «Qyzyljar» командасынан кетті.

Клуб басшылығы мен жартылай қорғаушы Мусса Коне тараптардың келісімімен келісімшартты бұзды.

«Қызылжар» ФК Муссаға бірлескен жұмысы үшін алғыс айтады және болашақ мансабында сәттілік тілейді, - деп жазды клубтың баспасөз қызметі.

Мусса қазақстандық клубқа 2020 жылы ауысқан. Бұған дейін ол «Аталанта», «Фоджа», «Пескара», «Варезе», «Чезена», «Фрозиноне» және «ББ Эрзурумспор» сияқты клубтарда ойнаған. Ол 2011 жылдан бастап Кот-д'Ивуар құрамасының мүшесі.