Дина Жоламан Қазақстан чемпионатының он дүркін жеңімпазы

Бокстан Шымкентте өтіп жатқан Қазақстан чемпионатында 54 келіге дейінгі салмақтағы финалдық кезең аяқталды деп жазады Olympic.kz.

Бұл салмақтағы ақтық сында Ақмола облысының боксшысы Дина Жоламан мен Алматы облысының өкілі Балауса Мұздиман кездескен болатын.

Тартысты жекпе-жекте 2016 жылғы әлем чемпионы, тәжірибелі Дина Жоламан жеңіске жетті. Бұл Динаның ел чемпионатындағы оныншы алтын жүлдесі екенін айта кету керек.

54 келідегі қола жүлдені Дәметкен Келімбет (Қызылорда облысы) пен Әйгерім Ошақбай (Жамбыл облысы) иеленді.