Бокстан Қазақстан чемпионатында ауыр салмақтағы финалистер белгілі болды

Бокстан Қазақстан чемпионатының жартылай финалдық кездесулері аяқталды. Ең соңғы болып аса ауыр салмақтағы боксшылар шаршы алаңға шықты деп хабарлайды Prosports.kz.

+91 келідегі ақтық сында әлем чемпионатының жүлдегері, ұлттық құрама мүшесі Қамшыбек Қоңқабаев пен Түркістан облысының намысын қорғайтын Нұрлан Сапарбай жұдырықтасады. Жартылай финалда Қоңқабаев жасөспірімдер Олимпиадасының жүлдегері Дамир Тойбайды жеңсе, Сапарбай маңғыстаулық Айболды Дәуренұлын ұтты. Жеңілген боксшылар ел чемпионатының қола жүлдегері атанғанын айта кету керек.