Марадонаның өлім алдында не айтқаны белгілі болды

Британдық Mirror басылымы аргентиналық БАҚ-на сілтеме жасай отырып, 1986 жылғы әлем чемпионы Диего Марадонаның қайтыс болар алдында не айтқанын жария етті, деп хабарлайды Prosports.kz.

25 қарашада таңертең Марадона өңі бозарып, тоңып оянған. Алайда, ол таңғы асты ішіп үлгерген, содан кейін немере інісі Джонни Эспозитоға: «Me siento mal» («Мен өзімді нашар сезініп тұрмын») деп төсегіне жатқан.

Жақында ғана ауруханадан шыққан Марадонаны қарап жатқан медбике жедел жәрдем шақырды. Қоңырауға бірнеше медициналық бригада келген, бірақ ол өте кеш еді. Аты аңызға айналған футболшы жергілікті уақыт бойынша 12:00-де жүрегі тоқтап қайтыс болды.

Фото: Mirror.co.uk