Диего Марадона көз жұмды

Аргентиналық Clarin және ESPN Argentina басылымдары аңызға айналған футболшы және жаттықтырушы Диего Марадонаның 60 жасында қайтыс болғанын хабарлады.

Ақпарат көзінің хабарлауынша, өлімнің себебі жүректің тоқтауы болған.

Еске сала кетелік, қараша айының басында экс-футболшы ауруханаға түскен болатын. Марадонаға мидағы қан ұюын жою операциясы жасалды. Біраз уақыттан кейін ол ауруханадан шығарылды.

Марадона мансабында «Аргентинос Хуниорс», «Бока Хуниорс», «Барселона», «Наполи», «Севилья», «Ньюеллз Олд Бойз» және тағы да «Бока Хуниорс» клубтарында ойнаған. Аргентина құрамасы сапында 91 матч өткізіп, 34 гол соқты. Ол - Италияның екі дүркін чемпионы, Аргентина чемпионы, Италия Кубогының иегері, Испания Лигасы Кубогының иегері, УЕФА Кубогының иегері, Испания Суперкубогының иегері, Италия Суперкубогының иегері.