Қазақстан құрамасы Ұлттар лигасына қатысқаны үшін қанша ақша алады

Қазақстан құрамасының Ұлттар лигасына қатысқаны үшін қанша ақша алғаны белгілі болды, деп хабарлайды Prosports.kz.

Алты ойынның қорытындысы бойынша біздің команда топта соңғы орынды иеленді және «С» лигасындағы орнын сақтап қалу үшін Молдовамен шеберлік сынасады.

Ұлттар лигасының қазіргі жеребесінде ойнағаны үшін УЕФА ҚФФ-ға 1,125 миллион еуро аударады. Алайда, топта бірінші орын алған жағдайда, Михал Білектің командасы екі есе көп ақша табуы мүмкін. «С» лигасындағы топ жеңімпазы 1.125 еуро бонус алады. Яғни, Қазақстан құрамасы топта жеңіске жеткен жағдайда 2,25 миллион еуро табуы мүмкін еді(топқа қатысқаны және жеңгені үшін).