Серік Мұсәділов жекпе-жегінің трансляциясы
![Серік Мұсәділов жекпе-жегінің трансляциясы](https://prosports.kz/upload/news/content//202011/201131_54ad014975bb9bd1efc19d00c811a8f6.jpg?v=28641679)
20 қарашадан 21 қарашаға қараған түні Флорида штатының Майами қаласында жеңілмеген қазақстандық боксшы Серік Мұсәділов (7-0, 7KO) кезекті жекпе-жегін өткізеді.
Бірінші ауыр салмақта өнер көрсететін жерлесіміз бұл кеште мексикалық Даниэль Нахерамен (9-5-1, 4KO) жұдырықтасады. Жекпе-жек алты раундқа жоспарланған.
Жекпе-жек Нұр-Сұлтан уақытымен 06:00-де басталады. Айқасты мына сілтемеден көре аласыз.
Мұсәділов соңғы жекпе-жегін биыл қыркүйек айында өткізді. Майамиде өткен кездесуде ол америкалық Кент Холландты (4-6-1, 2 КО) екінші раундта техникалық нокаутпен жеңіп, Америка бокс федерациясының (ABF) Атлантика чемпионы титулын жеңіп алған болатын.
M&R Boxing Promotions компаниясы ұйымдастырған бокс кешінің басты жекпе-жегінде Мелвин Лопес (23-1, 14 KO) пен Брэндон Бенитес (15-2, 6 КО) кездеседі.