Қазақстандық Гүлнұр Ыбырай ауыр атлетикадан жасөспірімдер арасындағы Әлем кубогының қола медалін жеңіп алды

Ауыр атлетикадан жасөспірімдер арасында онлайн-режимде өткен әлем кубогында 64 келіге дейінгі салмақтағы жарыстар өтті, деп хабарлайды Prosports.kz.

Бағдарламаның осы түрінде Қазақстан атынан Гүлнұр Ыбырай қатысып, екі жаттығу қорытындысы бойынша 197 (87 + 110) келі көтерді. Осылайша, ол қола медаль иеленді.

Бұл - Қазақстан құрамасының турнирдегі екінші медалі. Бұған дейін Абылай Әуелханов 55 келіге дейінгі салмақта алтын жүлде иеленген болатын.