Маунтинбайк: Түркиядағы турнирде қазақстандық спортшы «күміс» алды
Қазақстанның және әлемнің спорт жаңалықтарына жазылыңызМаунтинбайктан Түркияда өткен Alanya Avocado MTB Cup турнирінде қазақстандық Егор Касарев күміс медаль иеленді, деп хабарлайды Prosports.kz.
Карасев жасөспірімдер арасындағы «кросс-кантри олимпик» жарысында 49 минут 45 секунд нәтижесімен екінші орынға ие болды. Ол жарыстың жеңімпазы, Түркия өкілі Ахмет Акпынардан 15 секундқа қалып қойды.
Сол күні ересектер арасында «кросс-кантри олимпик» өтті. Оның нәтижесі бойынша Қазақстанның екі өкілі алғашқы ондыққа енді. 1:09:59 нәтижесімен Шәкір Әділов 6-орынға, 1:10:44 нәтижесімен Темірлан Мұхамедьянов 9-орын алды. Тағы бір қазақстандық шабандоз Денис Сергиенко 19-орын иеленді. Украиналық Дмитрий Титаренко ересектер арасындағы жарыстың жеңімпазы атанды.