Жәнібек Әлімханұлы рингке қашан оралады
![Жәнібек Әлімханұлы рингке қашан оралады](https://prosports.kz/upload/news/content//202011/472_415276bacf399178998af2a361b98bb5.jpg?v=28666371)
Қазақстандық кәсіпқой боксшы Жәнібек Әлімханұлы (9-0, 5 КО) биыл жекпе-жек өткізбейді, деп хабарлайды Prosports.kz.
«ұрметті жанкүйерлер! Біздің команда демалысқа кетті. Биылға жекпе-жек болмайды деген хабар алдық. Бұйыртса келер жылдың басында жұдырықтасамыз! Жеңісті күндерде жүздесейік», - деп жазды боксшы Инстаграм-парақшасында.
Еске салайық, Әлімханұлы соңғы жекпе-жегін 9 қазанда Лас-Вегаста аргентиналық Гонсало Кориаға (16-4, 6 КО) қарсы өткізген болатын. Қазақстандық боксшы екінші раундта нокаутпен жеңіп, орта салмақта WBO рейтингінде үшінші орынға көтерілген болатын.
Фото instagram.com/janibek_qazaqstyle