Волейболдан Қазақстан кубогының үздік ойыншылары анықталды

Волейболдан ерлер мен әйелдер арасындағы Қазақстан кубогының үздік ойыншылары анықталды деп хабарлайды Prosports.kz.

Таразда өткен әйелдер арасындағы бәсекеде "Алматы" клубының ойыншысы Инна Яковлева, "Жетісу" ойыншысы Алеся Сафронова және "Алтай" командасының капитаны Сана Анарқұлова үздік танылды. Өскеменде ұйымдастырылған ерлер арасындағы ел кубогі додасында "Алтай" ойыншысы Владимир Жигмонт, "Ұшқын-Көкшетау" ойыншысы Қанат Ғабдуллин және "Атырау" ойыншысы Айбат Ниеталин үздік атанды.

Айта кетелік, волейболдан Қазақстан кубогы 22-30 қазан аралығында өткен болатын.