«Аякс» қарсылас қақпасына жауапсыз 13 гол соқты

Голландия чемпионатының 6-туры аясында «Венло» мен «Аякс» командалары кездесті, деп жазады Prosports.kz.

Бұл ойында орасан зор есеп тіркелді. «Аякс» қарсылас қақпасына жауапсыз 13 гол соқты.

Екінші таймның басында алаң иелерінің шабуылшысы Кумның қызыл қағаз алып, алаңнан қуылып кеткенін айта кетейік. 10 ойыншымен қалған «Венло» қақпасына қатарынан 9 гол соғылды.

«Венло» - «Аякс» - 0:13 (0:4)

Гол соққандар: Эккеленкамп, 13, 57; Траоре, 17, 32, 54, 65, 87; Тадич, 44; Энтони, 55; Блинд, 59; Хунтелар, 74, 76; Мартинес, 78.