«Стандард» - «Рейнджерс» матчында Еуропа лигасының рекорды жаңарды
Еуропа лигасы топтық кезеңінің бірінші турында бельгиялық «Стандард» пен шотландиялық «Рейнджерс» командасы кездесті, деп жазады Prosports.kz.
Бұл ойында Стивен Джеррард жаттықтыратын «Рейнджерс» 2:0 есебімен жеңіске жетті.
Айта кетерлігі, матч аяқталар тұста «Рейнджерс» шабуылшысы Кемар Руф керемет гол соқты.
27 жастағы англиялық шабуылшы өз жарты алаңында тұрып қарсылас қақпасын дәл көздеді. Мамандардың есептеуінше, Руф 54.6 метр қашықтықтан гол соққан.
Осылайша, бұл гол Еуропа лигасы тарихындағы ең алыс қашықтықтан соғылған гол ретінде тіркелді.
Kemar Roofe, Glasgow Rangers, hizo el gol del año...
— moisESPN (@moillorens) October 22, 2020
pic.twitter.com/xN57bIrQgT
