Жәнібек Әлімханұлы келесі жекпе-жек өткізуге дайын
Қазақстанның және әлемнің спорт жаңалықтарына жазылыңызБүкіл әлемге қазақша стильді тағы бір көрсеткім келеді. Бұл туралы WBO Global және WBC Continental Americas нұсқалары бойынша орташа салмақтағы чемпион, кәсіпқой боксшы Жәнібек Әлімханұлы (9-0, 5 КО) айтты.
«Келесі жекпе-жегімді тағатсыздана күтіп жүрмін. Бүкіл әлемге қазақша стильді тағы бір көрсеткім келіп отыр», - деп жазды боксшы Twitter-дегі парақшасында.
Әлімханұлының келесі жекпе-жегі өтетін күн әзірге белгісіз, алайда спортшы Лос-Анджелесте дайындық жаттықтыруға кірісіп кеткен.
Еске сала кетейік, бір апта бұрын Жәнібек Әлімханұлы Лас-Вегаста (Невада штаты, АҚШ) аргентиналық Гонсало Корияны нокаутпен жеңген болатын.
Осылайша 27 жастағы Ж.Әлімханұлы кәсіпқой бокстағы тоғызыншы жеңісіне қол жеткізіп, WBO Global және WBC ContinentalAmericas титулдарын қорғап қалды.