«Автодор» - «Астана» матчының тікелей трансляциясы

Бүгін, 22 қазанда «Астана» баскетболшылары ВТБ Бірегей лигасы тұрақты маусымы аясында сырт алаңда «Автодор» командасымен кездеседі, деп жазады Prosports.kz.

Елордалық команда чемпионат аясында үш матч өткізді. Алғашқы екі ойында жеңіліп, (УНИКС 83:101 және ЦСКА 60:93), үшінші кездесуде жеңіске жетті («Химки» 89:88). «Астана» қазір турнирлік кестеде 9-орында тұр.

Ал «Автодор» екі матч өткізіп, екеуі де жеңіліс тапты («Парма» 70:93, ЦСКА 66:100). Олар турнирлік кестеде соңғы орында тұр.

2019 жылы маусымда өткен екі ойында қос команда бір-бір реттен жеңіске жетті. Алдымен қазақстандық клуб (88:64), содан кейін ресейлік (85:90) клуб қарсыласынан басым болды.

«Автодор» - «Астана» матчының тікелей трансляциясы Нұр-Сұлтан уақытымен 21:00-да басталады. Ойынды TV Startтікелей эфирде көрсетеді.