Мадридтегі сенсация. «Реал» өз алаңында донецкілік «Шахтерден» жеңіліс тапты
Қазақстанның және әлемнің спорт жаңалықтарына жазылыңызМадридтің «Реалы» Чемпиондар лигасы топтық кезеңінің бірінші матчында өз алаңында донецкілік «Шахтерден» жеңілді, деп хабарлайды Prosports.kz.
Қонақтар салған жерден шабуылдап, 29-минутта Тете күшті соққымен есеп ашқан. Араға төрт минут салып, Рафаэль Варан өз қақпасына гол соғып, жағдайды ушықтыра түсті. Бірінші тайм соңына қарай, Соломон Тетенің берген пасын жақсы пайдаланып, есепті 0:3 жеткізді.
Зидан «сасқан үйрек артымен жүзедінің» керін келтіріп ойыншыларды бірінен соң бірін ауыстыра бастады. 54-минутта Модрич, 59-минутта Винисиус соққан голдар мадридтіктерді жеңілістен құтқара алмады. 90-минутта Вальверде мергендік танытып есепті теңестіріп еді, төреші VAR-ға жүгініп, голды есептемей тастады.
«Реал» - «Шахтер» - 2:3
Гол соққандар: 54 Модрич, 59 Винисиус - 29 Тете, 33 Варан - автогол, 42 Соломон.
Ескерту: 34 Асенсио, 87 Милитао - 8 Корниенко, 83 Бондарь