«Ливерпуль» Ван Дейктің орнын басатын ойыншы іздеп жатыр

«Ливерпуль» футбол клубы қысқы трансферлік кезеңде «Брайтон» қорғаушысы Бен Уайтты сатып алады, деп жазады Prosports.kz.

Англия чемпиондары жақында ғана ауыр жарақат алған Вирджил ван Дейктің орнын басатын орталық қорғаушы іздеп жатыр.

Олардың басты назарына 23 жастағы англиялық қорғаушы Бен Уайт ілігіп отыр. Бірақ ол жақында қазіргі командасымен келісімшарт мерзімін 2024 жылға дейін ұзартты.

Егер бұл нұсқа жүзеге аспаса, онда түрік қорғаушысы Озан Кабакты сатып алу жоспарланған. 20 жастағы қорғаушы өткен маусымда «Шальке» сапында 28 ойынға қатысты.