IBF Головкинмен жекпе-жекке тағы бір үміткерді анықтайды
Қазақстанның және әлемнің спорт жаңалықтарына жазылыңызҚазақстандық әлем чемпионы Геннадий Головкин IBF титулына тағы бір міндетті үміткермен жұдырықтасуы мүмкін, деп хабарлайды Prosports.kz.
14 қарашада Германияның Вольфсбург қаласында жергілікті боксшы Патрик Войцицки Sauerland Event компаниясы ұйымдастыратын кеште канадалық Патрис Вольнимен кездеседі. Боксшылар IBF рейтингінде сәйкесінше 4-ші және 6-шы орындарды иеленіп тұр.
Головкин, 20 қарашада, Лос-Анджелесте поляк Камил Шереметамен жекпе-жекте әлем чемпионы атағын қорғауы керек. Бұл қазақстандықтың алғаш рет өз белдігін қорғауы болмақ.