Салах «Ливерпуль» сапында 100-голын соқты

«Ливерпуль» шабуылшысы Мохамед Салах мерейтойлық көрсеткішке қол жеткізді, деп хабарлайды Prosports.kz.

Эвертонға қарсы дербиде мысырлық жұлдыз командадағы 100-голын соқты.

28 жастағы Салах «Ливерпуль» сапында 2017 жылдың жазынан бері 159 кездесу өткізіп, қарсыластар қақпасын 100 рет дәл көздеген.

Мерсисайдтық клуб тарихында 100 голдық межеге Салахтан бұрын жеткен екі ойыншы бар, олар - Роджер Хант (144) және Джек Паркинсон (153).