Хоккейден Қазақстан чемпионатының күнтізбесі бекітілді

Қазақстанның хоккей федерациясы Pro Hokei Liasy-2020/2021 ел чемпионатының жаңартылған күнтізбесін бекітті, деп хабарлайды Prosports.kz.

Тұрақты чемпионат биыл 19 қыркүйекте басталып, 2021 жылдың 10 наурызына дейін жалғасады. Оған 13 қатысады, жалпы 48 матч өткізіледі. Содан кейін үздік 8 ұлттық чемпионаттың алтын медалі үшін плей-офф кезеңінде бақ сынайды.

Плей-офф кезеңінің басталуы 13 наурызға жоспарланған. Қазақстан чемпионатының аяқталу мерзімі 30 сәуір.

Ал Қазақстан Кубогы 2021 жылдың 27 қаңтары мен 2 ақпаны аралығында өтеді деп жоспарланған.

Pro Hokei Liasy-2020/2021 ұлттық чемпионаты күнтізбесінің толық нұсқасын СІЛТЕМЕНІ басу арқылы таба аласыз.