Неймар Оңтүстік Америка құрамаларының үздік сұрмергендер тізімінде үздік үштікке енді
2022 жылғы әлем чемпионатына іріктеу турнирінде Бразилия құрамасы сырт алаңда Перуді 4:2 есебімен жеңді, деп жазады Prosports.kz.
Осы ойында бразилиялық шабуылшы Неймар хет-трик жасады. Бұл Неймардың Бразилия құрамасы сапындағы 64-голы болатын.
Осылайша 28 жастағы ойыншы уругвайлық Луис Суаресті пен отандасы Роналдоны басып озып, Оңтүстік Америка құрама командаларының үздік сұрмергендер тізімінде 3-орынға көтерілді.
Айта кетейік, Неймардың алдында Лионель Месси (71) мен Пеле (77) жайғасқан.
