Роналду коронавирус жұқтырды

«Ювентус» шабуылшысы Криштиану Роналду коронавирусты жұқтырды, деп хабарлайды Prosports.kz.

35 жастағы шабуылшы Швецияға қарсы матчта алаңға шықпайды.

Футболшының ауруы асимптоматикалық болып саналады, ол қазірдің өзінде командадан оқшауланған.

Португалия құрамасында инфекция жағдайы анықталғаннан кейін команда ойыншылары коронавирусқа бірнеше рет сынақтан өтті. Бірде-бір футболшының инфекциясы болған жоқ.

Естеріңізге сала кетейік, бұған дейін Роналду «Ювентус» қонақ үйінде ұлттық құрамада ойнау үшін оқшаулауды сақтаудан бас тартқан болатын. Италияллық клубтың екі қызметкері коронавирусты жұқтырып, ойыншылар екі апталық карантиннен өтуге мәжбүр болды.