Артем Антропов: Ауыр атлеттер залда жаттығатын күнді асыға күтті

Ауыр атлетикадан Қазақстан командасының мүшесі Артем Антропов үзілістен кейінгі жаттығу жиындарының қалай өткенін айтты.

«Оқу-жаттығу жиыны жоғары деңгейде ұйымдастырылған. Базада бізге барлық жағдай жасалды. Жаттығу да, тамақтану да ойдағыдай. Бізден тек жақсы нәтиже көрсету ғана сұралып отыр. Әрине, карантиннен кейін көп жұмыс істеуге тура келеді.

Десе де, бұл жағдай бізді тек қуантады. Өйткені, спортшылардың барлығы да командамен жаттығуды, залды, бапкерлерді сағынды. Үйде де жаттығуды тоқтатпадық. Бірақ залдағы атмосфера мүлде бөлек. Ең бастысы – бәріміздің деніміз сау болсын», - дейді Антропов.