Фируза Шарипованың келесі жекпе-жегі қашан өтеді

Бокстан үш салмақ дәрежесіндегі әлем чемпионы қазақстандық Фируза Шарипова Instagram желісіндегі парақшасында кезекті жекпе-жегінің қашан өтетінін жазды, деп хабарлайды Prosports.kz.

«Мен 30 қазанда Мәскеуде жекпе-жек өткіземін. Жақында бәрін білетін боласыздар!», - деп жазды Шарипова.

Негізі, ол рингке 25 қазанда шығуға тиіс еді, бірақ бұл жекпе-жек өтпейтін болды.

Еске сала кетелік, Фируза Шарипова 22 тамыз күні Қазан қаласында Танзаниялық Хэппи Даудиді мерзімінен бұрын жеңіп, үшінші салмақ дәрежесінде әлем чемпионы атағын жеңіп алды.