Өзбекстандық футболшы А сериясының клубына ауысты

Өзбекстандық шабуылшы Эльдор Шомуродов ресейлік «Ростовтан» италиялық «Дженоа» сапына ауысты. Бұл туралы итальян клубының ресми сайтында жазылды, деп хабарлайды Prosports.kz.

Генуялық клуб пен 25 жастағы өзбекстандық 2024 жылдың 30 маусымына дейін қол қойған.

Ресейлік БАҚ-тардың мәліметінше, «Дженоа» Шомуродов үшін 9 миллион еуро төлейді. Сондай-ақ, «Ростов» өзбекстандық форвардтың алдағы трансферінен түсетін қаражаттың 15 пайызын алады.