«Манчестер Сити» 68 миллион еуроға қорғаушы сатып алды

Англиялық «Манчестер Сити» португалиялық «Бенфикадан» қорғаушы Рубен Диашты сатып алды, деп хабарлайды Sports.ru.

Лиссабондық клуб 23 жастағы футболшының англиялық клубқа ауысқанын хабарлады. Манчестерлік клуб ойыншы үшін 68 миллион еуро төлеген. Сондай-ақ, келісімшарт бойынша англиялық команда Диаш үшін бонус ретінде 3,6 миллион еуро беруі мүмкін.

Айта кетейік, сонымен қатар, клубтар Николас Отамендидің трансферіне келіскен. Қорғаушы «Манчестер Ситиден» «Бенфикаға» 15 миллионға ауысты.