Клуб басшылары Алматыда жолдастық кездесу өткізді

Алматыда Қазақстан Премьер-лигасы мен Бірінші лига клубтарының директорлары мен спорт директорлары арасында жолдастық кездесу өтті.

Отандық ақпарат құралдарының хабарлауынша, аталған матчқа Нұрбол Жұмасқалиев, Руслан Балтиев, Ғани Қайназаров, Қайрат Әшірбеков, Владимир Рибич, Федор Симиниди және басқа да мамандар қатысқан.

Айта кетейік, Премьер-лигасы ойындары Алматыда және Талғарда өтіп жатыр. Ал Бірінші лига командалары екі конференцияға бөлінген. Оның бір бөлігі Шымкентте, тағы бір бөлігі Талғарда матч өткізіп жатыр.