«Джиро делл'Аппеннино» жарысына қатысатын «Астана» құрамы

19 қыркүйекте Италияда «Джиро делл'Аппеннино» бірінші санаттағы бір күндік веложарыс өтеді. Қатысушылар Нови Лигуре - Генуя бағыты бойынша бес категориялық көтерілумен 191,5 шақырым қашықтықты бағындырады, деп хабарлайды Prosports.kz Astanaproteam.kz-ке сілтеме жасап.

Қазақстандық Astana Pro Team командасының атынан бес спортшы қатысады: колумбиялықтар Эрнандо Бооркес және Родриго Контрерас, қазақстандық Даниил Фоминых, Дейн Джонас Грегард және эритреялық Мерхави Кудус.

Бұл жарыста Астананың спорттық директоры Александр Шефер болады.