«Атлетиконың» бұрынғы ойыншысы 30 жасында мансабын аяқтады

Испаниялық жартылай қорғаушы Игнасио Камачо 30 жасында мансабын аяқтады, деп жазады Prosports.kz.

Бұл туралы оның қазіргі командасы «Вольфсбургтің» баспасөз қызметі ресми хабаралды.

Испаниялық футболшы денсаулығына байланысты мансабын 30 жасында аяқтауға шешім қабылдап отыр. Ол соңғы екі маусымды сол аяғындағы жарақатына байланысты мүлде алаңға шыққан жоқ. Бірнеше рет жаттығуға оралғанымен, жарақаты қайта мазалап, доп тебуге мүмкіндік бермеді.

Айта кетейік, жартылай қорғаушы «Атлетико Мадрид» клубының түлегі. Туған командасынан бөлек «Малага» және «Вольфсбургта» өнер көрсетті.