Жәнібек Әлімханұлы рингке қашан оралады

Қазақстандық Жәнібек Әлімханұлының келесі жекпе-жегі қашан өтетіні белгілі болды, деп хабарлайды Prosports.kz тілшісі.

ESPN авторы Стив Кимнің жазуынша, ол Бадди Макгиртпен сөйлесіп, жекпе-жектің уақытын білген. Жәнібектің бапкері қазақстандықтың рингке 9 қазанда оралатынын айтқан.

«Жәнібек Әлімханұлы 9 қазанда оралатыны айтылды», - деп жазды Ким.

Еске салайық, Әлімханұлы соңғы жекпе-жегін былтыр қазанда өткізген болатын. Сол кезде ол Альберт Онолуносені алтыншы раундта нокаутқа түсірген еді.