ҚПЛ-дың тамыздағы үздіктері
![ҚПЛ-дың тамыздағы үздіктері](https://prosports.kz/upload/news/content//202009/204253_596d717bc329f7b988addb70584b7986.jpg?v=28656551)
Қазақстанның Кәсіпқой футбол лигасы «үздік бапкер», «үздік ойыншы» және «үздік гол» номинациялары бойынша тамыз айының мықтыларын таңдады, деп хабарлайды Prosports.kz ҚКФЛ-дың ресми сайтына сілтеме жасап.
ҚКФЛ «Вконтакте» желісіндегі ресми парақшасында үздік голды анықтау үшін жанкүйерлер арасында дауыс беру өткізді.Онда ең әдемі жеті гол ұсынылған.
Үздік голды анықтауға 1 183 футбол жанкүйері қатысты. Соның нәтижесінде «Қайсар» капитаны Асхат Тағыбергеннің «Тобыл» қақпасын қақырата соққан голына 808 (68,3 %) жанкүйер дауыс берді.
![](https://img.prosports.kz/news/content//202009/201393_48705edc877b81c8f0385122c520c970.jpg)
Тамыз айындағы үздік бапкерді таңдауды ҚПЛ-дың 11 бас бапкерінің еншісіне берілді. 10 жаттықтырушы «Қайрат» тәлімгері Алексея Шпилевскиге дауыс берсе, Беларусь маманы өзінің дауысын «Каспидің» бас бапкері Срджан Благоевичке берген.
![](https://img.prosports.kz/news/content//202009/201393_102a3b963c6c197304539e126c3bcd9d.jpg)
Айта кетелік, «Қайрат» тамыз айында төрт матч өткізіп, бәрінде жеңіске жетті («Каспий» (3:0), «Тобыл» (3:1) және «Ордабасы» (3:1). Ал Еуропа лигасында еревандық «Ноадан» басым түсті.
![](https://img.prosports.kz/news/content//202009/201393_2aab9c95e1d7d5fe6d4f97b072460155.jpg)
Бас бапкерлер айдың үздік ойыншысын таңдады, оның нәтижесінде «Қайрат» шабуылшысы, бразилиялық Вагнер Лав үздік болып танылды.
36 жастағы форвард ҚПЛ-да екі гол соғып, екі нәтижелі пас берсе, Еуропа лигасында да қақпаны екі рет дәл көздеп, бір нәтижелі пас авторы атанды