Қазақстандық боксшының Ресейдегі жекпе-жегі соңғы сәтте өтпей қалды

Қазақстандық боксшы Ержан Залиловтің (11-2-1, 5КО) Ресейдегі жекпе-жегі соңғы сәтте өтпей қалды.

Бүгін Екатеринбург қаласында өткен бокс кешінде Ержан Залилов жергілікті спортшы Евгений Ляшковпен (5-1) жұдырықтасуы қажет болатын. Алайда әлемдегі коронавирус пандемиясының салдарынан қазақстандық боксшы шекара аса алмаған.

Айта кетейік, Ержан Залилов соңғы жекпе-жегін 7 наурыз күні өткізіп, тәжік боксшысы Асрор Вохидовтан жеңіліс тапты.