US Open: Путинцева мансабында алғаш рет ширек финалға шықты

Қазақстандық теннисші Юлия Путинцева US Open турнирінің ширек финалына жолдама алды, деп хабарлайды Prosports.kz.

Төртінші айналымда отандасымыз хорватиялық Петра Мартичті жеңді. 2 сағат 30 минутқа созылған кездесу 6:3, 2:6, 6:4 есебімен аяқталды.

Путинцева ширек финалда әлемнің 41-ракеткасы америкалық Дженнифер Брэйдимен кездеседі.

Айта кетейік, 25 жастағы қазақстандық спортшы мансабында алғаш рет US Open турнирінің ¼ финалына шықты.