Ресми. Григорчук «Шахтёрді» тізгіндейді

Солигорсктің "Шахтері" украиналық Роман Григорчукты команданың бас бапкері қызметіне тағайындағанын ресми түрде жариялады, деп хабарлайды Prosports.kz.

Григорчуктың жаттықтырушылар құрамына Михаил Савка (бас жаттықтырушы), Андрей Глущенко (қақпашылар жаттықтырушысы) және Анатолий Коротя (жаттықтырушы-талдаушы) кірді. Маманмен жасалған келісімшарттың егжей-тегжейі көрсетілмеген.

Еске салайық, Григорчук 2018 жылдың маусымынан 2020 жылдың қаңтарына дейін "Астана" тізгінін ұстады. Қазақстандық клубпен бірге ол Қазақстан Чемпионатын (2018, 2019), Суперкубокты (2019) жеңіп алды және екі рет Еуропа Лигасының топтық кезеңіне шықты (2018/19, 2019/20).