Месси «Барселонада» қалады

«Барселона» капитаны Лионель Месси каталониялық клубта қалуға шешім қабылдады, деп хабарлайды Prosports.kz.

Sphera Sports хабарлағандай, аргентиналық футболшы бүгін Каталонияда қалатынын ресми түрде жариялайды.

Дереккөздің хабарлауынша, 33 жастағы футболшы үндеу жазып та үлгерген.

Еске салайық, Месси қазіргі трансферлік кезеңде командадан кеткісі келді, бірақ оған келісімшартты біржақты бұзуға рұқсат берілмеді. Тіпті оған 700 миллион еуро көлемінде өтемақы төлеуге ешқандай клуб дайын болмай шықты.