Ұлттар лигасы. Испания мен Германия тең тарқасты

Ұлттар лигасының жоғарғы тобындағы ойында Германия мен Испания құрамалары кездесті, деп хабарлайды Prosports.kz

Штутгарт қаласындағы матч 1:1 есебімен аяқталды. Алаң қожайындары қатарынан Тимо Вернер 52-минутта гол соқты. Испаниялықтар төреші қосқан соңғы минутта ғана Хосе Гайяның голының арқасындағы жеңілістен аман қалды.

Қос құрама өнер көрсететін төртінші топта Украина мен Швейцария кездесті. Украиндықтар 2:1 есебімен жеңіске жетіп, топтың көшін бастады.