Әжіғалиев: Жаңа маусымға қатысты өзгерістерді күтіп отырмыз
Шорт-тректен Қазақстан командасының үздігі Абзал Әжіғалиев карантиндегі жаттығудың қалай өткенін айтып, алдағы маусымға қатысты ойымен бөлісті.
- Карантин талаптары жеңілдетілгенімен, біз әлі де болса масканы тастамай, әлеуметтік қашықтықты сақтаудамыз. Індетті жеңу үшін мұндай шаралар өте қажет. Ал жаттығуға келер болсақ, карантин кезінде де үй жағдайында дайындықты ұмытпадық. Жалпы дене жаттығуы міндетті түрде орындалуы керек. Алдағы маусым күнтізбесі жарияланды. Бірақ бұл нақты шешім емес. Жақында өзгерістер болары анық. Әлемдік ұйымнан хабар күтіп отырмыз, - дейді Абзал.
