Роберт Левандовски ерекше рекорд орнатты

Мюнхендік «Баварияның» шабуылшысы Роберт Левандовски 2019/20 жылғы маусымның қорытындысы бойынша ерекше рекорд жасады, деп хабарлайды Prosports.kz тілшісі.

Поляк Чемпиондар лигасы, Бундеслига мен Германия кубогына қатысып, үш турнирде де үздік сұрмерген атанды. Мюнхендік клуб Роберттің голдары арқасында үш титулды да иеленді. Бұған дейін ешқандай футболшы мұндай жетістікке жетпеген.

Айта кетейік, Левандовски Бундеслигада 34, Чемпиондар лигасында 15, Германия кубогында 6 гол соқты.