Қазақстан құрамасы шахматтан онлайн-Олимпиадада екі кездесу өткізді

Шахматтан Қазақстан топ-дивизион құрамалары арасында онлайн-Олимпиадада екі кездесу өткізді.

Қазақстан құрамасы Әзірбайжан, Венгрия, ОАР, Украина, Словакия, Испания, Норвегия, Франция және Нидерланд елдерімен В тобында түскен.

Алғашқы матчта Қазақстан Словакия құрамасын жеңсе, екінші кездесуде Нидерландпен тең түсті.

Қазір Қазақстан құрамасы рейтинг бойынша тек Украина мен Әзірбайжанға ғана есе жіберіп отыр. Ал құрама сапында Ринат Жұмабаев, Мұртаз Қажғалеев, Рустам Хуснутдинов, Әнуар Исмағамбетов, Денис Махнев, Рамазан Жалмаханов, Жансая Әбдімәлік, Бибісара Ассаубаева, Гулисхан Нахбаева, Гүлмира Дәулетова, Әсел Серікбай және Назерке Нұрғали бақ сынайды.