FIG федерациялармен «Гимнастика бәрі үшін» онлайн кездесуін өткізді

Халықаралық гимнастика федерациясы (FIG) «Гимнастика бәрі үшін» тақырыбы аясында коронавирус пандемиясына байланысты виртуалды кездесулер сериясын жалғастыруда.

FIG ұйымдастыруымен өткен алғашқы кезеңде онлайн жиынға әлемнің 59 федерациясынан барлығы 80-ге жуық қатысушы қатысты. Шілде айында ұзақтығы бір сағаттан 90 минутқа дейін созылған үш кездесу өтті.

Аталған онлайн шара барысында алдағы жоспарлар туралы да айтылды. Соның ішінде, 2021 жылы Лиссабонда жоспарланған «Спортзал өмір үшін» және 2023 жылы Амстердамда өтетін «Гимнастика өмір үшін» атты бағдарламасын талқылады.