Англия кубогын өткізу ережесіне өзгеріс енгізілді

Футболдан Англия кубогының жаңа маусымына арналған жарыс кестесі жарияланды, деп жазады Prosports.kz.

Биылғы жағдайға байланысты 2020/21 жылғы Англия кубогын өткізу ережелерінде өзгерістер орын алды. Атап айтқанда, биылғы маусымда командалар тең ойнаған жағдайда, қайта кездесу өткізілмейді. Жеңімпаз бір ойында анықталады. Бұл шешім футболшылардың жүгін жеңілдету үшін қабылданып отыр.

Сонымен қатар, коронавирусқа байланысты экономикалық жағдай қиындағандықтан, Англия кубогының биылғы маусымдағы жүлде қоры да айтарлықтай төмендеді.

Жарыс кестесіне сайы, Англия кубогының іріктеу кезеңі 1 қыркүйекте, негізгі жарыс 7 қарашада басталады. Ал финалдық матч 15 мамырға жоспарланған.