Атырауда 18 жастағы Азия чемпионын атып өлтірді

Azh.kz сайты 9 тамызға қараған түні Дамбы мен Құрманғазы қаласының маңындағы ауылдарда бірнеше жігіт арасындағы төбелес кезінде белгілі атыраулық спортшы, грэпплингтен Азия чемпионы Есенбек Сигуатов қаза тапқанын жазды, деп хабарлайды Prosports.kz.

Ол жүрегіне тиген оқтан жарақаттанып, қайтыс болды. Спортшы бір апта бұрын 18-ге толған еді.

Атырау облысының полиция басқармасы бұл туралы әлі түсінік берген жоқ. Сондай-ақ, қылмыскердің ұсталған-ұсталмағаны да белгісіз. Ал жергілікті тұрғындардың айтуынша, келесі күні Дамбыда полиция рейд жасалған.