«Ордабасыға» Еуропа лигасында қарсылас атануы мүмкін командалар үшке дейін қысқарды

Бүгін Ньонда Еуропа лигасының алғашқы іріктеу кезеңінің жеребесі тартылады.

Шымкенттік «Ордабасы» іріктелген командалардың тізіміне енді. Жеребеде қазақстандық командаға латвиялық РФШ (Рига) мен «Валмиера», румыниялық «Ботошани» клубтары қарсылас атануы мүмкін.

Еуропа лигасының алғашқы іріктеу кезеңі бір матчтан тұрады. Кездесулер 27 тамызға жоспарланған.