«Астананың» жаңа ойыншысы өзіне нөмір таңдады

Ел чемпионы «Астана» сапына сербиялық қорғаушы Урош Радаковичтің қосылғанын ресми хабарлады.

Тәжірибелі қорғаушы қазақстандық командаға 1 жылға жалға берілген. Ол «Астана» сапында 4 нөмірлі жейдемен өнер көрсетеді.

Transfermarkt.de басылымы 26 жастағы футболшының нарықтағы құнын 1 миллион еуроға бағалаған. Ол мансабында Сербияның «Пролетер», Италияның «Болонья» мен «Новару», Чехияның «Сигма» мен «Спарта» және Ресейдің «Оренбург» командалары сапында доп тепкен.

Биыл «Астана» Чемпиондар лигасында бақ сынайды. Алғашқы іріктеу кезеңі 18 не 19 тамыз күні өтеді.