Зайнутдиновтың командасы жаңа жейдесін таныстырды (фото)

«Ростов» футбол клубы алдағы маусымда техникалық демеушісі Puma компаниясы болатыны жариялады және ойын экипировкасын таныстырды, деп хабарлайды Prosports.kz.

«Біздің клуб әлемдегі жетекші спорт брендтерінің бірі – PUMA компаниясымен ынтымақтастықты бастайды. Бүгін біз өз алаңымызда ойнайтын жейдемізді таныстырамыз - ол дәстүрлі ашық сары түспен жасалған және геометриялық өрнекпен безендірілген.

Форма PUMA DryCELL арнайы технологиясының көмегімен жасалған. Ол тері бетінен ылғалдың максималды кетуіне кепілдік береді, қарқынды жұмыс кезінде жайлылық береді. Жоғары технологиялық материал ағзадан артық ылғалды алып жояды,оны құрғақ және таза күйінде сақтайды », - делінген клуб хабарламасында.