Кособуцкий кезекті жеңісіне қол жеткізді
Қазақстанның және әлемнің спорт жаңалықтарына жазылыңызБеларусь елінің астанасы Минск қаласында бокстан «Kоld Wars» халықаралық турнирі өтіп жатыр, деп жазады Prosports.kz.
Кеш аясында ауыр салмақта бақ сынайтын қазақстандық боксшы Жан Кособуцкий (13-0-0) шаршы алаңға шықты.
Отандасымыз польшалық Камиль Соколовскийге (9-17-2) қарсы жекпе-жекте IBO Inter-Continental белбеуін сәтті қорғады. Он раундқа жоспарланған кездесу, соңғы раундтың бел ортасынан ауғанда аяқталды. Польша боксшысы Жанның ауыр соққысынан кейін белгілінген мерзімде орнынан тұра алған жоқ.
Осылайша Кособуцкий кәсіпқой бокстағы 14-жеңісіне қол жеткізді. Ал қарсыласы 18-рет жеңіліске ұшырады.
Айта кетейік, кештің басты жекпе-жегінде бірінші орта салмақта өнер көрсететін ресейлік боксшысы Сергей Шигашев британиялық Кингсли Эгбанайкпен жұдырықтасады.