Демеу Жадыраев: Жақсылық аға бүгінгі күннің батыры еді

Грек-рим күресінен әлем чемпионатының күміс жүлдегері Демеу Жадыраев Олимпиада чемпионы Жақсылық Үшкемпіровтің қазасына көңіл айтты.

«Жақсылық ағамыз жайында айтылар әңгіме өте көп! Ол өмірінің соңына дейін көл-көсір жақсылық жасады. Бала күнімізде ауыз, жазба әдебиет пен ертегі, аңыздардағы ержүрек батырларды оқып өстік. Ал Жақсылық ағамыз бүгінгінің батыры. Әдебиеттегі батырлар ертегіде болса, Жақсылық аға шынайы өмірдің кейіпкері еді.

Мыңдаған ата-ана баласының атын ырымдап Жақсылық қойды. Ол еліміздің тарихына алтын әріппен жазылатын тұлға. Жаны жаннатта болсын», - деді балуан.