Дрогба - Кот-д'Ивуар футбол федерациясының президенттігіне үміткер

«Челси» футбол клубының аңызы Дидье Дрогба Кот-д'Ивуар футбол федерациясының президенттігіне үміткер ретінде ресми тіркелді, деп жазады Prosports.kz.

Бірақ Дрогба алғашқы дауыс беруде бірде-бір дауыс жинай алмады. Кот-д'Ивуар құрамасының бұрынғы 14 ойыншысының бірде-біреуі Дрогбаны таңдаған жоқ.

Бірақ алда әлі мүмкіндіктер бар. Өйткені бапкерлер, төрешілер және ойыншылар қауымдастығы жеке-жеке дауыс береді.

Айта кетейік, Кот-д'Ивуар футбол федерациясының президенттігіне Дрогбаны қосқанда жалпы 4 адам үміткер. Нақты сайлау 5 қыркүйекте өтеді.